Ambientazo na festa de Nadal 2011

O Programa da Festa de Nadal do pasado mércores 21 de decembro tivo un  pouco de todo:  música, deporte, doces, nostalxia  … e moita, moita  creatividade.

Iniciamos o dia maratoniano cunha Asamblea na que  se  informou do “programa de festas”, e na que fixo a sua aparición Papá Noel cun saco cheo de golosinas.

A continuación proxectouse  un vídeo  - felicitación navideña , no que  os integrantes do  grupo de formación do Servizo de adultos amosaron as suas dotes creativas,  artísticas e  interpretativas (Nesta mesma páxina hai un enlace a youtube co que se pode acceder a este vídeo).

Antes da sesión discoteca, celebrada un ano máis no Zeppelin (Graciñas  Netzer, Bea …!),  houbo unha exhibición de Boccia, deporte paralímpico.

O apretadísimo programa festivo, remataba pola mañán co GRAN PARTIDO de fútbol entre Profes e Alumnos, celebrado no terreo de xogo de céspede do Centro.  O partido rematou  cun claro resultado a favor dos alumnos: 3 goles a 1.  Os alumnos amosaronse moito mellor físicamente, máis conxuntados … e sobre todo máis motivados, e a pesar da arbitraxe (dous penaltis en contra  parados por Super Amparo, e unha tarxeta vermella a San Pablo de Pías…) o resultado poido ser máis abultado.

O remate do partido houbo unha comida navideña especial, para repoñer forzas, e a continuación  unha Proxección de vídeos de Festas do Nadal dos anos 1992, 1993 …

Despois dun  breve descanso pola tarde, as 9 da noite voltamos a Festa coa celebración  da GRAN CEA de Nadal no Restaurante Glasgow.  86 persoas (usuarios, profes, voluntarios …) disfrutamos ata as 12 e media da noite  dun ambientazo festivo, gastronómico, musical e discotequero. Graciñas os donos do Restaurante e a Roberto, encargado da parte musical, pola sua colaboración.

Xornada inesquecible, esta do dia  21 – D, cun sobresaínte para os profes e voluntarios encargados da organización de cada un dos eventos. Noraboa!