A NOSA MISIÓN

Un lugar para vivir a diversidade

Máis de 40 anos xerando oportunidades e construíndo soños xunto a persoas con discapacidade no Baixo Miño.

Ao longo destas máis de catro décadas, a Asociación San Xerome Emiliani foi debuxando un camiño cheo de compromiso, esforzo e ilusión compartida. Un percorrido no que cada paso naceu do desexo de apoiar, acompañar e dar voz ás persoas con discapacidade intelectual da nosa comarca.

Fieis á nosa esencia, cremos nunha sociedade integradora, onde cada persoa é valorada polo que é, co seu propio ritmo, talentos e maneira de estar no mundo.

Porque o verdadeiro cambio comeza cando se mira a cada ser humano desde o respecto e a dignidade.

Sobre nós

autodeterminación

Presentando unha visión integradora e de respecto absoluto a cada persoa polo que é e non polo que se espera que sexa

colaboración

Acompañamos, custodiamos a súa intimidade, potenciamos as relacións crave a través dun forte vínculo

empatía

Non segregamos a través do diagnóstico, traballamos para que cada persoa desenvolva a súa mellor versión e sexa feliz

compromiso

Os pequenos detalles e os obxectivos están sempre no centro das nosas dinámicas, mediante unha actitude aberta ao diálogo

Colabora con San Xerome Emiliani!

En San Xerome somos unha gran familia que traballa por mellorar a calidade de vida e a inclusión das persoas con diversidade intelectual da Comarca do Baixo Miño e as súas familias. Pero non podemos facelo sós. Necesitamos a túa colaboración para seguir adiante cos nosos proxectos e actividades.

Quero ser voluntario    Doar

Traballamos para que cada persoa desenvolva a súa mellor versión e sexa feliz

Somos unha organización integramente estruturada a partir dos intereses das persoas cunha estrutura flexible ao servizo dos seus proxectos de vida. Estes proxectos son a esencia da nosa entidade; acompañamos, custodiamos a súa intimidade, potenciamos as relacións crave a través dun forte vínculo e non segregamos a través do diagnóstico.

NOVAS

Estas son algunhas das últimas actividades realizadas en San Xerome Emiliani

Ver todas

PROXECTO FOGARES SANXE

Unha solución residencial para persoas con diversidade intelectual

Desde unha perspectiva do Dereito, as persoas con diversidade intelectual teñen o mesmo dereito a emanciparse, a vivir a súa vida independente cos apoios necesarios para poder facelo, como o resto de persoas sen diversidade intelectual. Os axentes políticos e sociais temos o deber de garantir o acceso a este Dereito.

FoGaReS SaNXe